摩豆

营业中

休息中

排队唔耐，买完等叫号码会等好耐，起码10-15 分钟。第一次食，斑兰鸡蛋仔$19：外脆内软，斑兰味唔会好浓，但系淡淡地一层已经好香，同埋都系会食到斑兰味。要赞既系呢款鸡蛋仔真系做到内软，内料又亦足，外脆既效果。成底鸡蛋仔食晒都唔会觉得好甜第二次食，积及橙朱古力鸡蛋仔$23：听过朋友推介话好食，第一印象又唔差，于是再去食过。都系要等好耐，但呢款口味令我失望。成饼鸡蛋仔质感太软，做唔到外脆！我已经唔钟意讲返味道上，佢橙味系出既，朱古力味就返而差少许，朱古力粒粒可能热溶左既关系，同埋分散得开，所以橙味整体会较浓。而我个人好钟意食朱古力，所以更加会觉得呢款口味麻麻第三次食，伯爵茶鸡蛋仔$23：愈食愈普通唔知系咪煮个个人唔同既问题，整出黎既鸡蛋仔同普通旺角街买个啲差不多，系相对上比较脆身少少。伯爵茶我食唔出伯爵茶味，系脆硬身啲，同可能内里厚肉少少咁。整体来说，好钟意食鸡蛋仔既人可以一试，但真系唔系只只味都可以保持到水准，我暂时最推介系斑兰味鸡蛋仔，但唔知再食个时佢仲会唔会keep 到。不过都应该唔会再重复食。