聚點坊點心專門店 (已搬遷) 新店位置

呢间位于上环苏杭街嘅聚点坊，长期系外地游客嘅餐厅之选，以前莫讲话食饭时间排长龙由门口排到转弯，几乎早午晚都要排队！但近排几乎冇咩游客，见唔使排队就去试下都唔错😆今次觉得食物水准真系好参差，春风得意肠、凤爪排骨饭就同平时一样咁好食😋肠粉够薄够滑，包住嘅春卷真系好脆好新鲜，明显系即叫即整！排骨肥瘦适中，所以食落够嫩，凤爪亦炆得够淋够味👍真系每次黎都要叫，但美中不足系今日试到个虾饺唔太新鲜，失望到连张相都唔记得影🤦🏼‍♀️希望店家会留意到啦！