千色車仔麵

营业中

休息中

千色车仔面真系食咗差唔多20年，味道系完全冇变，我不能讲佢好好食，只能讲佢保持水准，几年冇食今次再去食，特别欣赏系佢嘅猪红，非常入味，大肠就好似比以前逊色咗，其他都保持倒水准。环境咁多年都系冇变，都系细细间坐得咁辛苦，唯一有变嘅就系价钱，今日叫咗一个油面，猪肠，猪红，辣鱼蛋，鱿鱼，冇饮嘢都要62蚊，不过算啦间唔中食一餐佢个辣汁又真系几好味。份量就真系唔系几足食完唔系好够饱，其实我系深水埗文记嘅fans，荃湾冇乜好嘅车仔面选择，千色叫做可以顶下瘾。