baby café (已結業)

今日难得去屯门食饭，细妹话想食Baby cafe，对上一次食已经系几年前，仲系中学生𠮶阵，之前都算几有水准，估唔到而家水准跌咗咁多。。。好失望。。。😞我哋叫咗个二人精选套餐，入面包两个主菜一个小食。主菜叫咗一个「北海道十胜芝士海鲜意大利饭」同埋「Baby日式咖喱鸡扒饭」，两样主菜都好差。😟讲左个北海道意大利饭先，虽然个名好似好把炮，个Menu仲有只手指公推介添，但系期望越大失望就越大。💀首先卖相已经好唔吸引，好似一碗白饭配一块煎鱼柳咁！我同我阿妹都唔信呢个系招牌菜，仲特登问多次职员呢个唔通就系传说中嘅北海道意大利饭？。。职员confirm咗系之后我哋就即刻试吓，个饭一啲味都冇，好似揾啲好淡嘅白汁捞饭咁！😂所讲嘅海鲜就系几粒蟹柳同蒸八爪鱼粒。个饭亦一啲芝士味都冇，非常失望好难食！😭个日式咖喱饭一啲咖喱味都冇，唔知自己食紧啲咩汁。。😂唯一好嘅就系啲鸡都放得入口。。。啲鸡煎得几香既。😂我哋叫咗个小食系「黑松露炒蛋芝士厚多士」，都唔错，几重黑松露味，但啲蛋都系比较淡。😂呢餐食到我同细妹都好激气，水准竟然跌左咁多，好失望！应该唔会再帮衬Baby cafe!!!😭😭😭