影片
更多
2018-07-17
122 浏览
今次嚟到旺角呢间小店，虽然铺头嘅位置有少少难揾，但系我哋九点嚟到依然要排队先至食得，而且间野啲嘢食真系几好味，大家下次去开旺角又有多个选择。🤤原创胡椒猪肚鸡面 ($68)平时饮开胡椒猪肚汤就饮得多，胡椒猪肚汤面今次真系第一次试。一开始见佢送黎既时候以为啲面会林晒，但仍然好弹牙而且仲吸哂啲汤汁好好食；个汤唔似外面饮到嘅胡椒猪肚汤咁只系得胡椒味，因为佢加咗鸡所以每啖比平时饮嘅更鲜甜，平时食面从来唔饮汤既我地今次都饮哂😋！而且佢嘅汤系用个铁碗装住，令个汤食到最后都仲系微热，非常贴心！不过佢份量偏小，净系食面一定唔够饱，可以试吓叫埋其他小食。⭐: 8.5/10盐酥鸡 ($32)呢度嘅盐酥鸡炸得好香而且上既时候仲系好热。佢嘅味道其实好似KFC嘅巴辣鸡粒，但啲鸡肉比佢更加嫩滑同无咁干身。不过如果可以大旧少少就好。⭐: 7/10重庆豌杂面 ($38)依碗面有唔少顾客都会叫，系一个拉面底配上花生、酸菜等的拌面。喺面的上面放有一少堆辣椒酱，辣油渗透成个面，食落去又香又麻，加上原有的酸菜、脆豌豆，酸酸甜甜之余令成个面非常之有口感，加上拌面嘅软硬度非常适中，配上辣椒碎，非常之出色，三位admins 一路辣住
原创胡椒猪肚鸡面 ($68)
平时饮开胡椒猪肚汤就饮得多，胡椒猪肚汤面今次真系第一次试。一开始见佢送黎既时候以为啲面会林晒，但仍然好弹牙而且仲吸哂啲汤汁好好食；个汤唔似外面饮到嘅胡椒猪肚汤咁只系得胡椒味，因为佢加咗鸡所以每啖比平时饮嘅更鲜甜，平时食面从来唔饮汤既我地今次都饮哂😋！而且佢嘅汤系用个铁碗装住，令个汤食到最后都仲系微热，非常贴心！不过佢份量偏小，净系食面一定唔够饱，可以试吓叫埋其他小食。
⭐: 8.5/10
盐酥鸡 ($32)
呢度嘅盐酥鸡炸得好香而且上既时候仲系好热。佢嘅味道其实好似KFC嘅巴辣鸡粒，但啲鸡肉比佢更加嫩滑同无咁干身。不过如果可以大旧少少就好。
⭐: 7/10
重庆豌杂面 ($38)
依碗面有唔少顾客都会叫，系一个拉面底配上花生、酸菜等的拌面。喺面的上面放有一少堆辣椒酱，辣油渗透成个面，食落去又香又麻，加上原有的酸菜、脆豌豆，酸酸甜甜之余令成个面非常之有口感，加上拌面嘅软硬度非常适中，配上辣椒碎，非常之出色，三位admins 一路辣住都食唔停口！😵唯一要注意嘅系唔食得辣嘅朋友记住一开始拎走少少辣椒碎！
⭐: 8.5/10
香煎蛋饺 ($16)
依款香煎蛋饺喺出面比较少见，蛋煎得好香同脆皮，金黄色配搭少少焦几吸睛，入面嘅馅料冇特别去深究，但味道不错，有啲类似荀的粒粒系蛋饺入面，变相食落去好有口感，而且蛋饺入面的肉唔会过嚡，味道亦唔会太重，配搭得几平衡。蛋饺以依个价钱有5粒，性价比算高，而且系即叫即煎，即使有少少偏油，都仍然系一个唔错嘅伴面小吃！
⭐: 8/10
桂林米粉($38)
桂林米粉有汤，干捞同干炒三款拣，我哋就拣咗干捞。米粉嘅口感有啲似平时食到嘅米线，不过比平时嘅米线粗。米线嘅配料有肉末，酸豆角，脆花生，葱花同酸辣笋。米线捞埋啲配料酸酸地几开胃，而且佢嘅味道都唔系太重，啱晒唔中意太重口味嘅朋友。
⭐️: 7/10
蒜蓉香煎千页豆腐($26)
呢个豆腐真系极力推荐，豆腐嘅口感唔似普通嘅豆腐，系好似食紧鱼蛋咁好弹牙。豆腐煎香左再用左蒜蓉同埋调味粉嚟调味，所以好香口好惹味。
⭐️: 9/10
最后值得一赞嘅系佢哋嘅服务真系好好，店员都好贴心，仲会主动帮客人问有冇纸巾。
无面不欢 - 中华私房粉面 (旺角)
📍旺角通菜街1A -1L号威达商业大厦地下M号舖
张贴
