芋圓圓

营业中

休息中

系香港试过太多间中伏嘅芋圆，有一段时间都唔敢再食芋圆，直到朋友介绍太子呢间芋圆圆！芋圆圆自家工场鲜制芋圆，标榜不用糯米粉，对于有关节痛问题而唔食得糯米嘅朋友简直系一大福音！最简单嘅菜式，先试到店家嘅功力！今次拣左「仙草红豆薏米」呢个经典配搭，糖水不会太甜，保留到食材嘅原味，加上粒粒弹牙嘅芋圆，口感丰富芋圆分左三只色：紫薯、蕃薯、芋头，试下合埋眼逐粒食，真系食得出三种唔同味嘅分别，证明绝对唔系用色素取颜色，十分足料！除左一般堂食同外卖，舖头仲有现成一盒盒急冻嘅生芋圆卖！试完味觉得好食，可以买返一盒看门口，依加长期在家，都可以有多啲花款嘅甜品调剂下！一直以为煮芋圆系要过冷河，原来唔需要架！跟足指示煮就得喇，非常方便