粥棧小廚

营业中

休息中

由细食到大既东大街街头小餐厅，基本上有叫过既菜式都有水准，午餐晚餐都会有值得帮衬既小炒。葱油蒸鸡：需要早一日预定，系试过最好食既葱油鸡，没有之一鸡肉嫩滑、葱油香又好送饭，适合一家大细几个人share既菜另外钟意叫既菜式有镇江骨酸甜开胃，啫啫生菜煲肉末虾干既咸香都好适宜送饭。冬天冻d既日子又可以点蚝仔粥、田鸡粥，午市晚市都有，自己比较钟意前者，蚝仔鲜味而且暖胃。唔想咁重口味既都有清蒸黄花鱼、豉汁蒸钳鱼、鱼汤杂菜煲，仲有基本上入去每台都会点既例汤，每个人一盅而且价钱适宜，平日中午或晚餐两三个人点都可以share到既家常味道。