念川居 (MOKO新世紀廣場)

营业中

休息中

星期六要去MoKo「新世记广场」买嘢，顺便早少少嚟到食个brunch。咁早开门嘅，「翠园」同「念川居」都系唔错嘅选择。回味上次喺「又一城」食过「望月楼」嘅「雪山叉烧包」，今次就帮衬返佢哋间姊妹店「念川居」。10:15am入座，限时90分钟，即刻落单。「雪山叉烧包」👍🏼👍🏼👍🏼👍🏼👍🏼，墨西哥酥皮入面，叉烧馅料热辣辣，个包底脆口，应该系焗之余再煎过嚟。「苹果叉烧酥」👍🏼👍🏼👍🏼👎🏾👎🏾，以为系焗嘅叉烧酥，原来系用千层丝酥皮铺上芝麻包住嚟炸，虽然香脆可口，可惜炸物一向唔系 ”our cup of tea”，浪费咗😅。「渝州冻面」👍🏼👍🏼👍🏼👍🏼👍🏼，冻幼面简单伴上青瓜丝、芽菜、淡酱油同葱花，食落面质爽口弹牙，花椒味香但唔会抢晒其他味道，葱花同青瓜丝清新爽口。寻常不过嘅食材，口感、味道不温不火，平衡得恰到好处。「红油抄手」👍🏼👍🏼👎🏾👎🏾👎🏾，作为主打川菜，呢个抄手麻、香、辣都唔够，只系得甜豉油同红油，相对略逊一筹。「蚂蚁上树」👍🏼👍🏼👍🏼👍🏼👎🏾，估唔到寻常不过嘅菜式，一样做到水准之上。上完洗手间，碟𩠌上台摊冻咗一阵，不过啲粉丝依然咁弹口，唔会黐埋一齐，又唔会干身，最重要唔会油淋淋。是日我