皇廷酒家 (已結業)

喺公司附近如果唔想去MegaBox，又要坐得舒服，可以选择嘅酒楼，其实唔系话太多。所以依一间质素唔错，味道唔错，价钱OK嘅，就成为左我哋嘅饭堂。一般想饮茶，唔想行，都会嚟呢度。今日同同事嚟饮茶，例牌嗌左个午市套餐，最抵食。佢系可以拣一个前菜，我哋当然系拣咗海蜇。再黎两个点心，烧卖同埋菜苗饺。然后两个小菜或者饭粉面饭，就要左个蚝仔泡饭，同埋我最钟意食嘅翠玉瓜炒花枝片。另外再补多一两样点心，鸡扎，牛肉咁，就好够喇。佢哋虽然只系午市套餐，但系小菜同饭面嘅份量，都非常多。小菜其实几乎系比其他𠮶啲酒楼晚市嘅炒出嚟嘅份量，仲要多，个人心水，豆腐斑腩煲同通菜炒牛肉都唔错。所以我哋成日都嚟捧场，环境都可以，坐得都算舒服，所以都唔少人。