香格里拉米線專門店 (已結業)

我以前响旺角返工果阵，经常去呢间餐厅食lunch，贪佢地够平抵食，两𩠌米线加冻饮一杯都系$24，配料多汤底又够味，侍应个个都唔错。后来转左工成年无帮衬，寻日放工重临旧地，唉！无眼睇！首先侍应态度问题。亲眼见到隔离台的先生叫侍应拎蒜蓉，个侍应错左酸菜，个客话返俾个侍应知，个侍应语气居然有点晦气话：「蒜蓉呀嘛！」态度真系好唔要得。碗米线黎到已经反胃，卖相惨不忍睹，一pat野咁，真系以为叫的系漱水！芽菜、木耳少到几乎揾唔到，碗粉黎果阵D𩠌散修修。一放入口更加失望：汤底淡如白开水；米线佢地转左第二只，焾如浆糊，但离奇地竟然可以有D煮唔熟黐埋一堆；𩠌分量明显少左，而以前佢地最煞食的酸菜，而家完全唔够酸唔够味。咁的食物同服务水准居然仲够胆加价，呢间野我以后唔会再帮衬，早知去花园街食车仔面好过。