稻庭養助

营业中

休息中

红磡附近见到呢间个名都好架势嘅日本铺头于是就同几个朋友入去试吓啦本身都几钟意食日本野因为够晒清淡唔会太肥腻 但系呢间铺头入到去先知原来老板都系日本人仲见到佢用日文同几个人喺度倾紧计老板态度亦都好好主动帮我同几个朋友影相今次去到主要都系朋友发板所以冇乜嘢点留意餐牌 朋友叫咗一碟鳗鱼 大概有三旧 都几肥美 另外我哋就叫咗一个鸡乌冬 乌冬食落去都几清 同几有口感唔会一咬就断 几有嚼口 啱晒啲又想减肥又想体验美食嘅人啊由于其中一个朋友想食返少少菜健康少少于是我哋就叫咗一个炸鸡沙律讲起都矛盾又炸鸡又沙律 不过个人觉得佢嘅炸鸡炸得啱啱好 食落口仲系热嘅炸嘅粉浆亦都唔会黐住最后就系呢一个忌廉饼 朋友极力推介于是就信佢试吓啦 入边系类似粟米忌廉汤忌廉加咗少少粉浆炸 食落去几脆 觉得炸得啱啱好 唔错！埋单四个人平均每人都只系食咗百几蚊都几抵食