小王牛肉麵

营业中

休息中

食咗呢间好多次，一直都无写呢间食评，因为每次嚟都有特别嘢，起起伏伏好坏参半，有时漏单、无落单、想食嘅卖晒又有。味道隔一牌又转左，试过用集团式apps外卖到屋企仲差，我建议真系唔好用集团式apps外卖，试过几次都赖嘢，我甚少咁样讲。讲返堂食，除去头先讲𠮶啲甩漏，食品系得嘅。先讲牛肉面，汤底有好香嘅牛汤同药材味，虽然无喺台湾食嘅咁重，但系香港食已经有风味，汤温略嫌唔够热。而面质略嫌靭咗少少，或者渌多少少时间可以好啲。牛肉同埋牛筋都算淋，但未够入味。整体来说，成碗牛肉面已经喺平均之上。红油抄手略嫌唔够咸同辣，而且云吞好似中间有啲未够热，不过由于此𩠌时好时坏，今次就差少少。呢个小食薯仔丝包虾饺，外面薯仔丝冇乜味，建议点酱或者落淮盐食。蚝仔饼就中间先有蚝仔，而且小弟食后第二日肚仔有啲嘢，所以肠胃薄弱既人就要谂谂。呢个炒米粉唔错，系多油少少。估计炒之前佢用油捞过啲粉，所以每一条粉都唔会黐埋。值得一赞就是个水果饮品，水果新鲜料又多，大家可以一试。值得一提，该店店长/经理/老板就好有礼貌，希望过多一牌仲保持到啦。