標叔叔小食店

营业中

休息中

周不时都会去标叔叔买几串串烧，但系佢嘅水准比较飘忽不定，怀疑系唔同人手就有唔同嘅味道。要讲最好食嘅就系烧茄子，见到阿姐将成条茄子放入微波炉叮熟佢，然后先至切开放上去烧，到中间就会加大量蒜蓉，所以超级惹味，不过食完就会觉得好油腻😂😂😂另外每次都会食烧牛脷，不过第一次食过觉得好淋好入味之外，其他几次都烧得有啲干。羊肉同埋鸡肾就比较平均，每一次嘅口感都唔会争太远。不过味道真系次次都唔同，有啲阿姐就会落劲多孜然粉，有啲就会觉得劲冲蜜糖味，变咗烧嘢食咁样，个人就比较钟意孜然粉𠮶阵味啦。😂😂😂