Burgerman (欽州街) (已結業)

今日中午陪朋友去深水埗买嘢，好友突然想食汉堡包，于是我就带佢到尼间位于高登商场对面嘅水准汉堡包店。餐牌选择种类多，除咗汉堡仲有意粉，沙律，小食，可以单点或者选择套餐，套餐有薯条或薯格或沙律同饮品，另外汉堡可以价钱自选配料，配搭种类都几多。黑松露和牛汉堡，我呢啲黑松露控一定必试，软熟嘅面包内里夹着香煎熬壳饲120日和牛，和牛入口软熟牛味不算太浓，特级嘅黑松露酱厚厚的铺喺芝士顶层，黑松露酱香浓得来有着细腻嘅味道，再配上日式芝麻沙律，蘑菇同芝士再加上菜苗减去牛肉嘅油腻感，所有配料都配搭得相当有协调感，百多元就食到优质嘅和牛同黑松露，真系抵食，唔怪得知一讲起呢间burger就咁多朋友都大赞。