陳儀興牛什粉麵 (鴻祥大廈)

营业中

休息中

享受假期绝不会开炉煮野食, 同丫姨去咗旺角揾食, 兜咗阵就随意入咗呢间粉面店, 估唔到咁好食!呢度主打多款潮洲牛杂不同部位、丸类、小食, 配搭粉面/饭类。崩沙腩河:崩沙腩好林, 每件有薄软胶质, 爽软唔硬, 其中一面连住爽口感嘅肋骨, 牛味清香; 汤底加入了牛腩汁, 河粉索咗个汤汁, 有淡淡牛味, 正!牛三宝河:集齐牛腩、牛筋、牛肚于一碗, 丰富又满足!牛腩肉味香浓, 肥瘦适中冇渣; 牛筋软硬适中, 腍得嚟又不失口感; 牛肚系选用金钱肚, 爽口劲入味;炸云吞: 即叫即炸, 炸皮金黄脆卜卜. 虽然唔算大粒, 馅料嘅鲜甜爽口虾肉比例多于猪肉馅, 鲜香味十足, 爽口有层次, 点上甜酸酱, 味道更提升。