蛇王二 (已結業)

天寒地冻就谂起食蛇羹，昨天晚上只有12-13度冻冰冰，喺明珠广场睇戏之前就走咗去铜锣湾开咗好耐嘅蛇王二食蛇羹，暖暖身。这里一到冬天好早就排晒长龙，无论本地居民或者内地游客，个个都知订嚟食蛇羹，依度除咗食蛇外，仲有好出名嘅脆皮鲜鸭润肠和炖汤。蛇羹用料足，味道依然浓郁惹味，但不太够热腾腾和献汁稍杰。鲜鸭润肠味道浓郁，酒香四溢，好正，但外皮比较逊色，冇以前咁脆皮！糯米饭好味香口，份量不少。整体水准稍为比以前逊色了一点，但依然OK，唯独是坐得比较挤迫。