影片
更多
2014-11-27
2829 浏览
今晚家姐请食饭，拣咗亲戚都就脚嘅九龙城。馥苑耐唔耐都会去饮茶食饭，水准好稳定，是晚亦唔例外。9个人叫咗9样嘢。我最钟意香口嘢，乳猪层肥膏好薄但又有啲肥唔会干争争，够热又皮脆肉嫩🐽。玉树麒麟蒸素豆腐，啲豆腐软滑但豆味稍逊，除咗有弹嘅冬菇，原来仲有块偏腍但仍爽嘅大头菜，令到口感变化多端。沙姜鸡点埋沙姜咸香惹味，另一大爱💖！南乳炆粗斋有南乳味，啲豆腐索哂汁送饭最好。大海杉有两食分别系炒同炆，鱼肉几滑唔错。瑶柱蛋白炒饭粒粒分明，调味刚好唔会过咸或冇味。其实已经饱饱地，但都加咗两个𩠌：烧汁野菌炒猪颈肉，肉算爽、大良炒鲜奶冇㶶味亦唔太油有水准。最后，送糖水居然有4款拣😱，我要咗好耐冇食过嘅麦米粥，唔太甜又有粒粒好好咬。成晚我哋都鸡啄唔断倾偈，好丰富同美满嘅一个聚餐！😄
馥苑耐唔耐都会去饮茶食饭，水准好稳定，是晚亦唔例外。
9个人叫咗9样嘢。我最钟意香口嘢，乳猪层肥膏好薄但又有啲肥唔会干争争，够热又皮脆肉嫩🐽。玉树麒麟蒸素豆腐，啲豆腐软滑但豆味稍逊，除咗有弹嘅冬菇，原来仲有块偏腍但仍爽嘅大头菜，令到口感变化多端。沙姜鸡点埋沙姜咸香惹味，另一大爱💖！南乳炆粗斋有南乳味，啲豆腐索哂汁送饭最好。大海杉有两食分别系炒同炆，鱼肉几滑唔错。瑶柱蛋白炒饭粒粒分明，调味刚好唔会过咸或冇味。
其实已经饱饱地，但都加咗两个𩠌：烧汁野菌炒猪颈肉，肉算爽、大良炒鲜奶冇㶶味亦唔太油有水准。最后，送糖水居然有4款拣😱，我要咗好耐冇食过嘅麦米粥，唔太甜又有粒粒好好咬。成晚我哋都鸡啄唔断倾偈，好丰富同美满嘅一个聚餐！😄
张贴
