敏華冰廳 (MOSTown新港城中心(4期))

营业中

休息中

放假训到劲晏起身，hea下hea下已经够钟食tea，去到敏华门口例牌要排队，同阿妹两个人一路排一路吹水，时间过得特别快，10分钟左右就入得，根据我经验，一至两位较快有位，所以唔好见条龙咁长就放弃，人少其实唔洗等好耐。我地叫左三样野share，榨米劲大碗，鸡汤底加上香而不太辣ge辣椒油，好食，鸡翼虽然浸淋左，但都算香，只系唔够脆，下次叫佢分上。马来三叔公咖吔多士听落好似有d料到，虽然唔知三叔公乜水，但咖吔酱同埋牛油好足料，多士又烘得够火喉，每一啖都好满足。菠萝油都几大个，上台时仲有微温，个皮够脆，如果再热d就更好，炒蛋又滑又有蛋香，夹埋个包一齐食都几过瘾！冻奶茶系预制，上台时无冰，唔惊冰融沟淡晒，茶浓兼奶滑，每次饮水准都一致，绝对唔系某d餐厅流流地ge「奶水」。