滬揚川上海料理

营业中

休息中

沪扬川呢一间上海式小店地舖，能够在旺区铜锣湾屹立左咁多年确实唔容易，经过好多年食品质素改变都唔太大，而且我喜欢佢够正宗。今次叫咗个排骨担担面（走榨菜）。服务生都有问我要唔要辣，我话要，但想到你碗野系冇辣嘅... 🤷🏻‍♀️。咁佢枱面有辣酱我自己落都冇所谓嘅。我最喜欢上海食担担面系佢个花生酱。炸排骨都做得好好。不过风头火势之下佢嘅防疫措施做得明显不足。客人入嚟冇探热，枱同枱之间亦冇足够嘅位，而且容许搭枱之余亦冇做隔板，呢方面真系最好改善一下。不过我又咁讲，见到佢冇做防疫措施我都自己行咗入去嘅话，中招自己都要附上责任。