功德林上海素食 (北京道一號)

营业中

休息中

今次好友约晚饭，佢主动提出去食素菜，谂下谂下，横掂都成半年无食过，一于食餐清清地嘅晚餐先！我地一致通过去北京道一号-功德林。一路睇景，一路开餐，正！香桩拌豆腐将冰冻嘅豆腐配埋香桩，香口之余又好清,几开胃!南瓜蟹粉鱼翅盅好浓嘅南瓜味，粗粒嘅南瓜再配上素翅，好弹牙,口感一流！味道好清甜!好橄榄菜炒秋葵用橄榄简单地炒，再配上非常新鲜嘅秋葵,好清新可口。赞!油鸡菌杂锦煲仔饭首先将少量嘅豉油放喺煲仔饭面搞混，哗，好惊喜!珍珠米饭粒口感正,一粒一粒非常分明,再加上菇粒，真系正！糖醋松子黄鱼做型好特别，以冬菇做鱼头鱼尾！再用腐竹皮，芋头做鱼身，好！另外糖醋汁做得非常出色，激赞！总结:水准非常高嘅素菜食府,基本上五款菜式味道各有不同，好食！再加上职员服务非常好，呢一餐朋友同我都好满意，仲定左每逢初一都过嚟开餐!