北方餃子源 (皇后大道東)

营业中

休息中

三日唔埋两日就会去饺子源食晏。今日开完会一个人去食晏，去到见到个好生面口嘅女仔做楼面，另外一个好后生嘅男仔做收银巳经心知濑嘢。首先，门口有张枱得一个人坐，咁我以为个女仔会叫我坐，点知佢叫我等等。跟住佢继续同个男仔倾偈。等咗5分钟，舖入面忙到甩辘𠮶个阿姐先叫我坐门口张枱，之后阿姐叫个女仔写单。我惯例嗌麻辣牛肉饺加豆浆。等咗10分钟都未有豆浆。之后阿姐就闹：「同你讲咗几多次，落咗单就跟手拎豆桨。」之后个饺子到。点解放酸辣汤嘅？顶！我唔钟意饮酸辣汤㗎！不过怕迟，唯有照食饺子。啲饺子皮粉嘅？平时食开冇汤好食好多。落错单个女仔当然有错，但厨房放汤饺子过晒火，搞到皮烂溶溶又另一回事。希望唔系换咗老板/师傅啦！过两日再比多次机会佢。希望只系今日运滞。