Cafe Charm's (已結業)

朋友系POLY放学,就约左佢系黄埔食LUNCH~上网见Cafe Charm's 环境装饰好别致就黎左呢度。发现系呢度同三五知己叹下午茶一流。虽然价钱较贵但至少份量够大。同朋友叫左两个Lunch Set $88 包饮品同汤,另有加一。食物选择都几多!除左Lunch Set 都可散叫。甜品都好吸引。可能平日时间,呢到比较静,食野环境唔错,几有feel。红酒汁牛肋条烩意大利饭食落牛肋条都几香,个饭配埋汁唔错,唔算食得出红酒味。汤系忌lim汤,几香,不过重味左少少。白酒蒜蓉海鲜意大利粉一样冇乜酒味,海鲜配料都算多,蒜蓉味几出,意粉够入味。花形窝夫卖相精致，表面系一球士多啤梨雪糕同Cream, 配上士多啤梨酱及新鲜大粒士多啤梨。果肉够甜，窝夫粉沟得唔错，脆度同甜度岩岩好。其他口味亦有朱古力选择。窝夫系即叫即整，所以够脆够热。每人食左$150左右,价钱算系中上。