農場冰室

营业中

休息中

睇见铺头名好似同好多年前执左嘅农场餐厅有关，anyway我都系见到个价钱唔太贵所以试下嘅。叫左个下午茶焗猪扒饭配奶茶，见杯奶茶颜色就几深，饮落茶味浓不过苦涩味都明显，可能系茶底浸左好耐挂，味道尚可唔算好出色，无挂杯又无浆口感觉。至于个焗猪扒饭，份量就唔下午茶，睇落都几饱肚。之不过个茄汁鲜色得好诡异，唔似系真蕃茄煮出黎，到底有几多色素甚至有无蕃茄真系唔知。猪扒好少少，食得到少少黄姜味比较特别，同埋唔会好鞋口。或者其他嘢食可以试下，不过个焗猪扒饭不了。