三星台菜食堂 (The L. Square) (已結業)

邪恶指数: 🐽🐽🐽好食指数: 🙆🏻‍♀️🙆🏻‍♀️🙆🏻‍♀️🙆🏻‍♀️突然间好想食台湾嘢，就去咗一间以前好有人气嘅三星✨lunch time去到竟然唔使排队😍 有午市套餐包一个主食+配菜+饮品，食物质素又keep到水准㖞 🙌🏻⭕️ 三星面 - 呢款入面有齐牛筋牛腱牛肚，啱晒贪心嘅我🐽当中牛筋同牛肚得我欢心，炆得好入味又唔会烂晒破坏质感👍🏻 汤底面底都有得自己拣，我就拣咗红烧同埋刀削面。汤底够浓甜甜地好味，刀削面软硬度啱啱好烟烟韧韧，正！⭕️ 台式炸鸡排鲁肉饭 - 一上枱已经觉得颜色配搭得好靓😍 鸡扒热辣辣新鲜炸起，食落香口唔会过油，加上唔孤寒嘅鲁肉同埋啲流心蛋酸菜渍物，啖啖满足🤤⭕️ 肉松皮蛋豆腐 - 呢个就a la carte叫嘅💁🏻‍♀️ 豆腐好够滑，虽然豆味唔算重，但系加埋台式酱汁同埋大量嘅肉松，再加埋溏心皮蛋，呢个配搭冇得输嘅😌呢餐绝对满足到我想食台湾野嘅craving 🙆🏻‍♀️可以encore 🐽