炑八韓烤 (彩明商場) (已結業)

呢间店由开幕至今我都一直有支持,  之后疫情最严重时就有放题时段, 依家转返正常散叫或套餐。今次我就帮衬晚市。一坐底基本未叫野就有几碟前菜, 我最钟意就系酸萝卜及大豆芽菜, 而我老公就钟意泡菜。如选择烧烤就会有无限添加粟米芝士及泡菜蛋放系炉边烧啦! 不过我就净钟意食粟米芝士, 次次都会叫佢地唔洗比泡菜蛋。今次我地无选择套餐, 因为都几多下, 次次都食唔哂, 所以今次就散叫啦。香烤猪花腩, 有5种味, 我拣咗韩式秘制酱油, 簿簿地一块加埋菜夹住一啖食, 真系好韩国FEEL, 再黎个霜降牛小排, 非常淋再加埋本身既酱汁, 非常掂。另外再点咗个蒜香蜜糖鸡腿肉, 份量比其他都大, 好似食极都有咁, 而蜜糖系另上既, 不过我觉得唔洗蜜糖都好够味, 就睇下自己想唔想有甜味啦! 最后一个我最喜欢既韩国鳗鱼, 烧到个面好脆再加埋个鳗鱼汁, 又香又多汁, 非常好食。2个人都系400几蚊, 唔一定要任食, 其实都好够饱。