火鍋煮場 (已結業)

百物腾贵，食材加价加到癫，出面好多食开嘅食肆一系就加咗价一系就份量少咗，难得呢间火锅店价钱冇乜变但系水准依旧保持到。先嚟两个小食，炸午餐肉同埋鱼片头。汤底拣咗蕃茄牛尾汤，呢间舖头个蕃茄汤底做得唔错。牛肉就拣咗安格斯，呢度系用牛小排嘅，所以油花、牛味同埋口感都比较好。仲叫咗碟牛白肉，好爽口，切到好薄， 滚两滚就食得。佢呢度嘅鸡子有两款，因为唔知乜嘢系农场鸡子就问侍应，佢话系新鲜鸡子，另一只就系平时食开大粒嘅，原来系火鸡鸡子，于是叫龙翔鸡子试吓，好细粒，要用筲箕蓝住渌，如果唔系实揾唔返，味道同口感同大粒嘅鸡子基本上系一样。佢啲啤酒好抵饮，德国啤酒， $10一支，有八至九款任拣，呢只几好饮。