聰嫂私房甜品 (已結業)

聪嫂真系由将军澳一开就食，原来宜家开多左好多分店，净系旺角都有两间啊～今次食都系叫番招牌既鲜果冰系列！芒果椰果冰($45)食落唔系好甜，有新鲜芒果打出黎既味道，但唔算好浓郁。面头芒果粒都几多，只系成碗沙冰个人觉个略嫌有点寡，下次会想叫D芒果冰底加其他配料既甜品，比如豆腐花咁啦～另一个叫左士多啤梨椰果冰($42)呢个士多啤梨冰底粉红色，极吸引啊～食落有少少奶味，酸酸甜甜好好味！但系呢个冰融得比较快，迟过芒果冰上枱但快融过佢(OK既，唔太大影响🤣🤣)。两款都好食，但我个人钟意士多啤梨椰果冰多D！