魚川居 (已搬遷) 新店位置

今日lunch约咗朋友喺观塘食饭，因为佢喺观塘返工，所以佢知边度有好野食，我话想食四川野，佢就带咗我黎呢间食，睇睇餐牌，午餐都几多选择，价钱都唔算贵，好大众化。水煮鱼配饭，佢其实可以配淮山面，薯粉，米线或者乌东，因为惊d汤太辣吸晒入d面果度食唔到，最终配饭稳阵d,佢地d水煮鱼份量都几多，有好多鱼肉片，d鱼片食落好嫩滑，个水煮汁好惹味，仲有好多配菜喺入面，包括木耳，莴笋，芽菜，芹菜，呢个餐都几抵食。鱼川酱手撕鸡冷面，原来鱼川酱系双色酱，分别有麻辣酱同麻酱，原来呢2只酱捞埋都好夹，佢地嘅鸡丝份量都几多，而且d鸡肉一d都唔鞋，而个冷面都好大份，捞埋佢地嘅芝麻酱，好好味，呢个芝麻酱系带有甜味，真系越食越想食。