影片
更多
2020-03-02
318 浏览
呢排好少出街食饭，喺屋企食清淡左，突然想食水煮鱼。有朋友上次食过呢间话几好食，横掂去开湾仔，就佢啦。6:30去到，都有几围枱坐左人，入去职员都好快安排二人座位俾我哋，呢间铺嘅装修都几特别，几怀旧，有种70年代大排档夹杂埋中式传统嘅装修风格。连餐具都好经典。得两个人食唔到几多，我哋叫咗一个水煮鱼同埋苦瓜炒牛肉。一嚟就系水煮鱼，其实我个人唔系好食得辣，所以叫定罐汽水救火😂。一开始食唔系好难，桂花鱼好新鲜大嚿又冇骨，啖啖肉，煮到啱啱好冇过龙，香料同辣椒嘅味好夹，豆卜索晒d汤，好刺激但系好好味。佢嘅辣系一路食一路出嚟，，越食觉得越辣，最后成罐汽水饮晒要再叫，但系真系好好食，我连配菜都食埋。苦瓜炒牛肉，系家常便饭常有嘅一味𩠌，出街食饭都想食得住家啲😁，牛肉唔轫，苦瓜唔系好苦，落左冬菇一齐炒令到个菜更香，加埋豆豉辣椒，超惹味👍两个菜都劲好送饭，梗系一人一个白饭啦😂其实个水煮鱼真系好抵食，好大份，我哋两个人食，食到好满足，好饱。 😋
6:30去到，都有几围枱坐左人，入去职员都好快安排二人座位俾我哋，呢间铺嘅装修都几特别，几怀旧，有种70年代大排档夹杂埋中式传统嘅装修风格。连餐具都好经典。
得两个人食唔到几多，我哋叫咗一个水煮鱼同埋苦瓜炒牛肉。
一嚟就系水煮鱼，其实我个人唔系好食得辣，所以叫定罐汽水救火😂。一开始食唔系好难，桂花鱼好新鲜大嚿又冇骨，啖啖肉，煮到啱啱好冇过龙，香料同辣椒嘅味好夹，豆卜索晒d汤，好刺激但系好好味。佢嘅辣系一路食一路出嚟，，越食觉得越辣，最后成罐汽水饮晒要再叫，但系真系好好食，我连配菜都食埋。
苦瓜炒牛肉，系家常便饭常有嘅一味𩠌，出街食饭都想食得住家啲😁，牛肉唔轫，苦瓜唔系好苦，落左冬菇一齐炒令到个菜更香，加埋豆豉辣椒，超惹味👍
两个菜都劲好送饭，梗系一人一个白饭啦😂
其实个水煮鱼真系好抵食，好大份，我哋两个人食，食到好满足，好饱。 😋
张贴
