老川皇

营业中

休息中

已经黎过好多次，今次第一次要等位，仲要系星期二晚都要等。真系自私啲都要讲句，好野唔好四围唱，唔系自己冇得食。7:30去到，已经满座，一行四人来到，但前面已有一张四人枱等紧。眼见全部都系啱啱开始食，但为左心爱嘅水煮鱼，要坚持！水煮鱼, 中辣等左超过半个钟，终于入到去。呢度维一唔好就系太迫，其中一个肥佬朋友坐得好辛苦，其他枱出入又要郁，唔系真系完全出唔到。钟意呢度的水煮鱼, 因为份量足又好味，虽然辣，但系唔会入唔到口，系有时会偏咸，可以叫佢少咸。另一个感觉是味道好"大陆"，即是是你回国内食到的味道，好正宗。另一个麻辣莴笋丝都好味。土豆丝都可以，但海带同木耳就有少少过淋。水煮鱼好多，四个人食一条都好够。朋友话有腥味, 我又唔系好觉。桂花鱼好滑，唔多骨，正！另外都叫左水饺， 蒜泥白肉， 蒜泥白肉蒜香好出众，好味。不过地方实在太浅窄，好迫。