Oppa Chicken

营业中

休息中

难得最后一日正式上堂，梗系同同学一齐食返啲好嘢庆祝，终于唔使食canteen颓饭！我哋叫foodpanda外卖要加$20运费，今次叫外卖嘅体验比较差，外卖员送错去第二度地方，唔系太沟通得到，最后迟咗十几分钟先送到嚟。石锅拌饭$68- 我平时好钟意食石锅拌饭，呢度嘅拌饭材料都几丰富，有翠玉瓜、红萝卜丝、煎蛋、牛肉碎、紫菜等等。辣椒酱好香，用嚟拌饭一流，如果怕辣嘅话就续啲续啲加酱，唔好一次过落晒。虽然外卖冇咗石锅热辣辣嘅感觉，但系味道都系差唔多，所以都几推介！韩国牛肉饭$68- 同学们叫呢个牛肉饭食，望落去比较清淡，同埋有好多汁，令到白饭都浸湿晒，感觉麻麻地。不过份量就好足够。