蘇廬

营业中

休息中

行到攰攰地揾间小店坐下叹下咖啡，心目中想揾间有得睇下景嘅咖啡店。苏庐正正合晒我心水。咖啡店开系棚屋内，坐位唔多，而所有坐位都系室外可以睇到两边嘅棚屋，望下风景吹下海风，周不时又有观光艇经过，真系好写意。咖啡味浓，略带少少苦味但唔酸，细心之处系咖啡冻得嚟无加冰，唔会越饮越淡。店主会攞埋个咖啡壶系客人面前酙落个心型咖啡杯度，咖啡香醇唔苦唔酸，只系份量较少。是日甜品系豆腐芝士蛋糕，有啖啖豆味，芝士味唔重，质地细滑并非一般芝士蛋糕般厚实，蛋糕面撒上桂花，食落有淡淡桂花清香，牛油消化饼底松软。焦糖面脆，炖蛋口感幼滑，云呢嗱味浓，甜味适中。夹埋面头嘅青苹果一齐食，酸甜味夹杂好特别。