鳳城小食

营业中

休息中

之前想平食就会去权记食面，食完仲有时间行下玩具街，早排食完行街就留意到凤城呢间店，佢都系食粉面，有几个舖位，有机会坐店内食，亦又机会坐街食。今次黎到，发现除左粉面，都有饭食，另外仲有三文治，烧卖之类。箍牙妹当然拣食粉啦！正当阿姐吹我落单，我话我第一次黎，咁佢就介绍我食水饺同云吞，好啦，你话事！咁我就要左个水饺云吞河。2粒水饺3粒云吞，好大碗河粉，水饺果然有料到，好大粒，好多虾仁，仲有木耳丝同笋丝，食落好爽口。云吞都唔差，虾仁数量亦不少。河粉份量真系几多下，食到一半已经饱。不过双拼加$10有啲贵。