稻香 (杏花新城)

营业中

休息中

人流不多，总共3人饮下午茶。原本好开心咁点左几样野食，大部分酒楼而家都系划纸入单。点左豉汁蒸排骨，结果黎左榄菜蒸排骨，我地同侍应讲话系叫豉汁蒸排骨，点知佢话：唔系你叫既果样就唔好食啦！食左先话唔岩，唔识咪问我地啰！咁我就话：咁问题系我地叫左豉汁蒸排骨，系你地俾错左。咁其实我地都唔知榄菜同豉汁个分别系边到架嘛😑之后佢黑口黑面咁走左。后来比张收据我地睇，明明叫左一笼虾饺，收据就出左两笼虾饺。最后叫经理过黎先处理得到。唔系钱的问题，系侍应唔应该expect 个客人知道入面系有咩配料，叫排骨有排骨系正常，但配菜唔岩我地系未必知道。但佢系话返我地转头啰！痴线👺其实佢地可以拎返张单出嚟，睇清楚我哋系划左边一款排骨，如果系我哋问题，我哋俾返钱系冇问题，但唔系我哋叫嘅，唔应该系因为佢哋黎错咗而要我地俾返错咗嘅钱！叫左既又唔黎，无叫既又黎左。d单出错哂！不知所谓。同佢地讲完唔岩又唔换，仲话返人转话。我地明白餐饮业系好辛苦，但唔代表无服务。如果你哋冇服务，无资格要收+1服务费！同事做错不单止无上报经理，又唔拎返我哋写嘅单出嚟，咁对我地好唔公平。虽然最后同事有改咗张收据，但食到一肚火，以后都唔会再去光顾。