影片
更多
2021-08-30
1090 浏览
呢间野我以前食过几次, 本来感觉良好。但经过今次既体历之后, 我决定永不光顾!件事发生系2个月前, 果日系星期六既3点左右。当时疫情叫做好返少少, 好多个月冇出去食既我决定食返D自已钟意既野去满足下自己。拣来拣去, 拣左呢间。因为佢系我系荃湾食过既米线既头5位之一。我一个人入到去, 阿姐好快咁帮我落完单。我大概记得嗌左酸辣米线, 最小辣, 腩肉, 贡丸, 响铃, 加可乐(咁上下)。碗野都快出既, 但我食左一口...喂冇味既? 而且一D都唔辣。我心谂系咪未捞晕?于是我捞来捞去, 再食。喂都系冇味WO...!我自问忍受能力唔算太差, 谂住继续食落去, 喂但系...明明系一碗酸辣米线, 淡到好似白汤咁, 真心顶唔顺! 你就当我叫错左唔辣既米线(肯定冇叫错!), 腩肉都辣架MA, 点解撞出黎会一D味、一D辣都冇架!?我越谂越过唔到自己果关, 明明难得出黎想食下好野满足下自己, 点解唔OK都重要死忍? 我好声好气叫左个阿姐过黎, 同佢讲话碗野冇味WO, 有冇办法可以帮下我? 佢听完之后朦下朦下咁, 几秒都冇反应...于是我话, 有冇D酱丫或者汤丫可以比我加返落去, 我想碗野有返D味丫(我依然系有
件事发生系2个月前, 果日系星期六既3点左右。当时疫情叫做好返少少, 好多个月冇出去食既我决定食返D自已钟意既野去满足下自己。拣来拣去, 拣左呢间。因为佢系我系荃湾食过既米线既头5位之一。
我一个人入到去, 阿姐好快咁帮我落完单。我大概记得嗌左酸辣米线, 最小辣, 腩肉, 贡丸, 响铃, 加可乐(咁上下)。
碗野都快出既, 但我食左一口...喂冇味既? 而且一D都唔辣。我心谂系咪未捞晕?于是我捞来捞去, 再食。喂都系冇味WO...!
我自问忍受能力唔算太差, 谂住继续食落去, 喂但系...明明系一碗酸辣米线, 淡到好似白汤咁, 真心顶唔顺! 你就当我叫错左唔辣既米线(肯定冇叫错!), 腩肉都辣架MA, 点解撞出黎会一D味、一D辣都冇架!?
我越谂越过唔到自己果关, 明明难得出黎想食下好野满足下自己, 点解唔OK都重要死忍?
我好声好气叫左个阿姐过黎, 同佢讲话碗野冇味WO, 有冇办法可以帮下我? 佢听完之后朦下朦下咁, 几秒都冇反应...于是我话, 有冇D酱丫或者汤丫可以比我加返落去, 我想碗野有返D味丫(我依然系有礼貌地)。
听完我咁讲之后, 阿姐行开左, 最终拎左支鼓油比我...
果下我即时嬲到爆!!!我成世人, 未试过食米线加豉油!!! 咩玩法呀!? 定系你想同我讲你碗酸辣米线系净系用豉油开出黎呀?! 我觉得阿姐HEA鬼我啰!
我系自己个位沉默左几秒, 谂住再试真D吧啦, 睇下碗野系咪真系冇得救....
呢个时候, 我听到果个阿姐系我身后(厨房位置)同人E E UM UM, 我类似听到咩..."你早D同我讲, 我就咩咩咩....而家...点搞呀"
果下我已经完全冇瘾, 我系自己位放低左钱(有多), 就走左。亦系呢次之后, 我决定永远唔会再食呢间野。
张贴