影片
更多
2019-01-05
428 浏览
这店在此和食在元朗都有高度评价，话鸡煲后火㶽放题平靓正。 入到店有位坐低叫极冇人理，等左好耐先可以点到$158鸡煲，再等左20分连碗筷叫极都唔拿来比你。 先来的是点心，水准极高。佢个鸡煲干身底冇汁，厘方面与正常鸡煲后火㶽的原则脱节，始终食完有d鸡汁剩再加汤会好味好多，鸡都好食好滑。 食唒鸡煲就想点火㶽料，原来系一块过左胶的餐牌，比枝油性水笔你划，其实几好既够环保，但系牙姐攞比我个牌系好油好湿，水滴滴咁比我，支笔划极都唔上色，唯有用张tissue 抹干净个牌，但系抹左几次都有部份位系完全上唔到色✓唔到格仔，个牌其实只有单面，选择不多，谂住✓唔到就食少d算了罢。 望下人地有海鲜食，好自然就招手问牙姐，点解冇点海鲜张纸既，牙姐即刻好恶咁话，「海鲜……我点比你呀，比唔到你架㖞，厨房比几多咪比几多你啰。」 我话，「对唔住，我第一次黎唔太清楚，我以为要自已✓先会问你啫。 」 其实有冇必要用咁既语气对d新客呢? 你大可以话海鲜唔使点，每枱客都有送，你咁讲我咪接受啰。 之后再叫佢加汤，叫几次佢完全唔睬，唯有叫老板娘，老板娘一埋黎就开左个火，但系又唔加汤就行左去冇回头，个鸡煲本来就冇汁，个煲在干烧下出唒
入到店有位坐低叫极冇人理，等左好耐先可以点到$158鸡煲，再等左20分连碗筷叫极都唔拿来比你。
先来的是点心，水准极高。
佢个鸡煲干身底冇汁，厘方面与正常鸡煲后火㶽的原则脱节，始终食完有d鸡汁剩再加汤会好味好多，鸡都好食好滑。
食唒鸡煲就想点火㶽料，原来系一块过左胶的餐牌，比枝油性水笔你划，其实几好既够环保，但系牙姐攞比我个牌系好油好湿，水滴滴咁比我，支笔划极都唔上色，唯有用张tissue 抹干净个牌，但系抹左几次都有部份位系完全上唔到色✓唔到格仔，个牌其实只有单面，选择不多，谂住✓唔到就食少d算了罢。 望下人地有海鲜食，好自然就招手问牙姐，点解冇点海鲜张纸既，牙姐即刻好恶咁话，「海鲜……我点比你呀，比唔到你架㖞，厨房比几多咪比几多你啰。」 我话，「对唔住，我第一次黎唔太清楚，我以为要自已✓先会问你啫。 」 其实有冇必要用咁既语气对d新客呢? 你大可以话海鲜唔使点，每枱客都有送，你咁讲我咪接受啰。 之后再叫佢加汤，叫几次佢完全唔睬，唯有叫老板娘，老板娘一埋黎就开左个火，但系又唔加汤就行左去冇回头，个鸡煲本来就冇汁，个煲在干烧下出唒黑烟，厘次我真系忍唔住好大声咁叫 「牙姐，加汤呀，就爆炸啦!」 老板娘才立即过来加汤。 个个食评都话老板娘有人情味，但其他员工服务差都系冇用架。
食物~手打丸，牛肉丸最好，猪肉丸肥肉比例多太松散，鱼丸一般，肥牛肉𡁻唔开，其它都可以。 鱼皮份量好多好脆好食。
送既海鲜~份量每人每様得一件，每人一只虾，真系有d顶瘾。 蚝，蚬，鲍鱼，新鲜到好似冇清洗过一様，黑边青苔还在。 响铃平时我渌几秒就食，但佢竟然和海鲜一齐上，响铃沾上鱼血，浪费唒d响铃呀，要渌到唔响先敢食。
饮品~选择几多下，啤酒都任饮既，酒鬼岩唒。
最后，叫左个公仔面食，夹左箸面入口，点解好似索左啖烟咁既? 即刻咳到我死死吓，回头望见原来邻桌的男人居然在室内食烟，但完全冇店员阻止或叫佢坐出户外的枱。 咁既环境真的待不下去，结帐走人。
张贴
