紅磡冰室 (已結業)

已经唔系第一次食红磡冰室，嘢食麻麻，但系因为近所以一两个礼拜都会食一次。不嬲都觉𠮶度啲服务员态度唔好，碟嘢嚟到会大大力放个碟落你张枱度，太耐未嚟你催佢一次佢又唔show你，催两次佢又会好唔耐烦咁啤住你话已经跟紧。最离谱嘅系上次一早嚟咗嘢饮，但系碟饭就迟迟都未到。等咗20分钟我就催咗一次，佢话等等，到30分钟都未到我就再催多次。最后我足足等咗40分钟碟嘢先嚟到。大佬你炒碟饭驶唔驶炒40分钟？个餐牌已经由午餐变下午茶啦！碟饭嚟到点知个恶梦仲未完，食食下突然闻到阵烧衣嘅味，阵味仲越嚟越浓。唔知系出面有人烧衣定系啲店员为舖入面嘅关公装香，总之阵味就系令我唔舒服、好想作呕，食到我成肚气。我琴日病咗，晏昼就谂住近近地嚟买外卖自取。跟餐写明有嘢饮，我就嗌咗热柠蜜。我不嬲都知好多舖头柠蜜都要加钱，但系通常侍应都会讲加几多钱。咁啱因为琴日状态唔好就冇问到，就畀咗钱。我等下等下突然醒起好似冇咁贵，我望下张单，柠蜜佢竟然加咗我$12！我即刻同佢讲话加咁多唔饮柠蜜转柠水，佢就话已经整咗唔畀我转。我check返餐牌，佢热饮唔驶加钱、冻饮加$3、特饮加$8、特饮加雪糕加$12。我心谂一杯热柠蜜你唔收我热饮价钱都算