詠藜園四川菜館 (已搬遷) 新店位置

(点咗劲多嘢，但食评内最多只可上传12张相，其他嘅请参阅「相片」)龙舟队队友嘅家族生意，认识佢之前已帮衬过多次，无论黄埔店定钻石山都试过，带家人或工作带日本游客都嚟过，有不少回忆。一向我会点醉鸡，佢个酒底真系好好味，酒味浓，偏少少甜，记得我妈妈试过忍唔住饮哂个汁，哈哈哈。首次配猪手，爽口弹牙，冰凉清爽，充满胶质，口感层次丰富比醉鸡更过隐。遇到靓皮蛋同遇到靓仔单身港男一样万中无一，呢个流心皮蛋真系好食到有高潮眼，个汁调味一流，甜甜哋，男神级冷盘。其他前菜仲点咗肴肉同手拍黄瓜，另外仲有店主送嘅拔丝灯影莲藕同自家制香辣薯片。好似比以前退步咗少少，瘦咗少少，有少少柴皮，份量也偏少。点咗小笼包同生煎包，呢度唔系主打包点，但绝对合格有余，甚至比唔少专门店更好。小笼包皮薄新鲜。相反生煎包唔系祥兴记𠮶种薄皮嘅，而系一般酒楼食到𠮶样唐包包皮，但佢又比一般酒楼点心个皮薄一半左右，所以唔会太顶胃。嚟自娃娃菜的甜味令整个菜非常清甜，姐姐仲建议我哋饮咗个汤先剪开只鸡，否则会太油，真系细心。虽然是汤煮，但鸡仍能保持嫰滑。松子鱼就比较普通咗少少窝巴系自家制，一大片上枱，望落劲似豪大大鸡扒。松脆有米香。用嚟点原本配嘅