永年士多 (寶城洋樓)

营业中

休息中

今朝起身超级肚饿所以走咗去附近嘅永年士多睇吓有啲咩早餐食，因为好耐冇食过嘅关系一入到去发现个装修变晒，充满怀旧香港特色👍🏻至于地方间隔就同以前差唔多。爷爷肠粉餐（混酱肠粉猪皮肠仔）有甜酱辣酱花生酱喺入面，味道层次丰富，主角当然系粉肠，佢啲粉肠好薄好滑味道简直一流，至于猪皮亦都好爽，而我本身就钟意食肠仔所以更加唔使讲。蛋卷五香肉丁米线个蛋卷整得好好味蛋味浓郁，个米线亦都好弹牙爽口而且五香肉丁味道唔会太过分，有啲整得麻麻地嘅茶餐厅味精味会好重，依个五香肉丁反而真材实料肉味比较浓郁，配埋个米粉简直系意外惊喜，仲有个牛油多士亦都整得好好外脆内软👍🏻我同女朋友一样叫咗奶茶☕️茶味香浓，而且饮落口仲好滑，净系饮佢个奶茶已经值回票价啦，再加上埋单都只系30几蚊一个餐同普通茶餐厅一样水准中上，认真值得推荐。