永樂餃子店

营业中

休息中

喺上环参加完讲座之后刚好系午饭时间，独自帮衬永乐饺子店。-餐厅位置距离地铁站约5分钟路程，红色招牌显眼易揾，装修系木色同红色为主，装修一般。餐牌主食系饺子，款式多，另有小食，可以拣九只饺子、五只饺子配米线、加钱转炸饺。假日中午时分餐厅入座率5%，少客人，店员服务正常。-鲜肉香菇粟米饺配汤九只配豆浆 $58饺子大只，皮厚、烟靭，调味浓，唔咸，嘢未，冇香菇味，粟米甜，好食。汤系花胶淮山猪骨汤，餐厅标明汤底冇味精，汤呈白色，冇汤渣，唔浓但够味，几适合做饺子汤底，好饮。豆浆中规中矩，细杯。-非首次帮衬，以前系熟客，平日餐厅较多客人。整体而言，食完饱肚感啱啱好，男人可能唔够饱，价钱合理，会再帮衬。