Billow Bar Seafood Bistro (已結業)

订咗好耐枱，今日夜晚终于嚟到一试呢间餐厅，首先一到餐厅，明明见到餐厅有好多枱，都要企咗好耐先至安排到位置，终于安排咗我哋坐低就同我哋讲成个餐牌冇得叫只可以嗌四样嘢，我真系好突然，咁大间同咁大规模嘅餐厅只可以叫四样嘢？！ 我真系大开眼界，仲要间餐厅根本唔系好多人， 7:00就同我讲得返四样嘢嗌，点解你唔一早通知啲客人！？我老远入到黎你哋依个餐厅，就系想试吓你哋啲嘢食，落咗单成个钟都未有嘢食，净系嚟咗个头盘，我同我女朋友由好肚饿已经等到唔肚饿，成晚都唔知自己坐喺度做乜，成晚感觉，好似坐咗系一间茶餐厅，只系见到好多客人极度不满，连我隔离𠮶台客人，都话以后唔会再嚟，我女朋友都发晒脾气问我咁远来嚟到呢间餐厅，今晚系谂住庆祝周年纪念，真系好难忘啰，打死都唔会再嚟呢度食！ 咁样嘅食物质素，加上咁样嘅安排同服务，仲要比咁嘅价钱，今次嘅经验真系点都唔会再返嚟呢间餐厅食嘢！