Say Cheese (將軍澳中心) (已結業)

今日系平安夜，夜晚7:05落单叫左三个主菜两个前菜小食同饮品，落单时服务员小姐同我讲要等20分钟，到咗7:40都未有，就入去问我落单嘅女职员: 之前话等20分钟，而家已经30分钟。得到一句回覆就系「有就会叫你」，ok fine准备行返出去继续等嘅时候，意想不到系突然有个男职员一句喝过嚟，「今日多单呀！」，系喝，系态度极差嘅喝！发生咩事系你话等20分钟，我等到半个钟有多嚟催一下好大问题？之后我话：ok明白，以后唔会嚟帮衬然后该男职员继续「阿哥，今日边度食嘢都要等㗎啦，阿哥！」最后个「阿哥」仲要大大声讲，哈，阿哥？真系嬲咗我话，乜嘢阿哥呀！跟住该男职员怒睥住我，「你唔钟意我可以同你void咗张单，呢度好多餐厅你唔洗帮衬我地，要唔要void?」woo气焰之大我估佢一定系老板无误！我嘅time cost你点计？我四百蚊客仔可能你唔志左，但系住咗喺将中十几年，逢weekend实出街食或买外卖，就从来无咁俾人闹过，无错，系闹呀！学呢位男职员话斋，成个将军澳将中将广pop corn，天晋汇真系有好多餐厅，会接纳你意见永远唔会再帮衬。完。