英記麵家

营业中

休息中

住左西区就黎三十年, 由幼稚园到小学到中学都系喺高街附近, 不过英记都系由中一, 二先至开始食, 食到而家就黎三十岁, 一食都食左十五, 六年. 以前返学因为零用钱唔多, 所以黎到英记只会食单拼(以前系$16), 食得最多既系云吞河, 因为佢地既云吞系炸既, 咁小朋友就梗系钟意食香口野啦. 不过佢地既炸鱼同埋叉烧都唔错. 到而家大个左, 就梗系要食双拼(以前系$20)先至够饱架啦....!!! 最钟意食佢地既牛腩云吞河, 次次一样咁滞.....!!! 而家平均一个月都食到两三次, 不过而家就加左价好多lu(单$20双$26)希望佢地继续keep会咁既质素啦.ps. 仲有就系之前有食友话佢地既牛杂面入面冇牛膀, 经小弟早前试探, 证实牛杂面入面真系冇膀㖞, 听讲系话佢地话啲膀唔靓所以唔整出黎俾客食, 虽然系咁啫, 但系无理由次次啲膀都唔靓架麻, 希望下次黎食杂河会有膀食啦..........!!!