大瀛喜日本料理 (已結業)

旺角抵食嘅日本放题收工𠮶阵朋友想食日本放题，我就推介大瀛喜，因为之前食过一次，款式多又抵食，决定再返去帮衬，果然冇令我失望🥰手卷方面，有得拣海胆，吞拿鱼蓉，三文鱼腩，蟹柳，我就食咗海胆同吞拿鱼蓉，海胆个份量叫多，啲饭唔算大，细细旧又唔会太饱😝鱼生方面，有三文鱼，吞拿鱼，油甘鱼，带子熟虾、甜虾，全部都好新鲜，但系唔会太大旧，钟意食鱼生嘅朋友可能要叫多几次😊寿司方面就分咗火炙寿司，同埋普通寿司，两款寿司嘅款式都有好多，特别推荐大家食烧和牛寿司，呢款寿司喺其他日本放题都唔会食到，一定要试🥳熟食方面，我会推介大家食炒牛柳粒 羊架同炸蚝，牛柳粒好林，上面啲蒜片好脆，烧羊架啲肉汁好Juicy，炸生蚝唔腥，鹅肝多士特别，但就唔系咁推介大家食🫡除咗扫QR code落order，出面仲有自助饮品区甜品区同熟食区，每个区嘅选择种类有好多，肯定有嘢啱大家食，最特别嘅系有部软雪糕机，我自己都食咗几杯😋