棋吧

营业中

休息中

星期五晚想揾个可以坐得耐既地方同朋友倾下计,所以拣左依间楼上cafe 啦 但真系去到一肚火, 首先我同另一个朋友早到叫杯野饮同一份麦乐鸡做头盘,等左半个钟,但个阵成间舖头得我地两个都另一张枱既客,之后到我地5个人都到齐喇,叫套餐食,佢系规定一定要叫个意粉同野饮咁当一个套餐, ok咁去得依啲楼上cafe预左都起码要百几蚊 因为主要想要个地方姐倾计姐, 但佢最过份可以成间舖得一个人做, 我地5个人 第一个碟意粉等左一个钟 冇错呀 系9点先得到 之后每等起码20分钟先逐碟逐碟黎 换言之 第4个人个碟黎既时候 第1个人已经食完喇 都唔紧要！佢既意粉简直系世界级 又碎又淋哂 我真系买叮叮都好食过佢呀唔该 我地大家都等到好饿但冇人一碟碟意粉系可以食得哂 之后我地第5个朋友等都唔想等直接cancel个餐去 全程系间cafe两个钟但有个半钟系呆等架 如果大家都用浪费钱浪费时间去食啲仲难食过7-11叮叮既野食 我真系极度推荐你地黎呀