麺屋武蔵 (MOKO新世紀廣場) (已結業)

因为工作繁忙，好耐都无写openrice，不过呢间野，完全将我团火逼出黎话说今日想食吓拉面，见到佢7拆减价又之前见到另外分店都多人排队，就试试。点左黑叉烧拉面，同白豚角拉面。首先个白豚角拉面，拉面嘅汤好紧要，热同浓，而呢度嘅拉面，刚好相反。汤第一啖入口，以为自己食紧啲乜嘢酱油清汤肥豚膏面，系，汤真系无咩味，反而有轻轻嘅酱油味。咁又点解系肥膏面呢？ 𠮶嚿豚角一放入口，完全系觉得个口里面只有一pat肥膏， 如果真系有好好咁煮嘅话，应该食落去系唔会觉得肥腻，而系结实，但呢度嘅豚角完全系觉得食紧一嚿无味嘅肥膏，同埋，呢旧嘢只有5%系肉。好嬲，咬一啖就掉低佢。之后系黑叉烧拉面，汤第一啖入口，只有黑蒜同轻微嘅酱油猪骨味， 唯一我会食得落嘅就系佢哋啲面都算弹口。两个面总结， 屋企煮即食面应该会好食过佢，再讲，食完之后，超级口干！！！最后一提 ，呢度员工(无论普通员工同似经理嘅人)嘅服务态度都有问题，明白疫境令大家唔开心，但我完全感受到佢地好唔想做。呢间野永远blacklist。