德美壽司 (新都城中心1期) (已結業)

德美算系我其中一个饭堂，一个月至少食两次，受到我既熏陶，我屋企人都变得爱食德美，今日父母问我晚餐去食德美寿司，我当然举脚赞成。鱼生丼同定食都会附送汤、沙律同甜品。沙律绝不马虎，唔系只得蔬菜，仲有一大粒带子。- 三色鱼生丼三色包括橙（三文鱼）、白（带子）同红（油甘鱼），鱼生多到覆盖成个醋饭。油甘鱼味道几甘香，带子一般，三文鱼几肥美。至于醋饭方面，饭粒黏度适中，酸度亦啱啱好，另外醋饭混入左冬菇片，更添香味。- 野菜牛肉锅定食汤底系寿喜烧汤底，汤底几香浓，温泉蛋可以平衡返酱汁嘅浓度，另外牛肉嫩滑，蔬菜吸收左汤底精华变得好甜。- 什锦天妇罗包括茄子、冬菇、芦笋、大虾、鱼同南瓜每款天妇罗既面衣几薄，不过炸得唔算均匀，例如南瓜，其中一面既面衣剥落左。我应该大虾>鱼> 芦笋>茄子>南瓜>冬菇。- 免治鸡肉棒外皮有少少焦脆，调味啱啱好唔会太咸。德美性价比仍然高，食物质素冇参差，上至鱼生丼下至天妇罗都几出色。