永順食店 (已結業)

讲到元朗网红，不得不提永顺食店，大家都推爆佢地嘅沙嗲牛面同炸猪扒。间中会去元朗食野，罕有冒住人潮过去食个早午餐。假日门外一条小小人龙，铺面唔大，但摆埋枱櫈出门口。老实讲环境有少少不堪，网红嘅威力就系，渠边都要照坐嘛。以嘅格局都吸引到咁多人，都要等下一探究竟。一张圆枱正常顶尽坐四至五人，呢度接近坐六人，点都逼逼地，唔多舒适。餐牌主要供应一般面食、三文治、多士、猪扒、鸡翼，一律单点。由于系假日，落单后姐姐都有提醒话假日预左要等耐少少猪扒沙嗲牛肉蟹皇面、冻奶茶 $55沙嗲牛肉面系招牌野，酱汁盖过整个面，睇落都几浓稠，仲有明显花生酱味，争少少柱侯香。牛肉薄片，份量唔算好多，唔会酱、肉分离。汤底咁浓，预期之内或多或少有点口渴。蟹皇面就系童年回忆，要加两蚊，面质较一丁幼身啲，但口感好腍。猪扒另上，唔怕浸腍。已切并沾粉炸，一旦放凉，就会皮肉分离，最好就即食。猪扒本身冇味，几腍身，亦都唔干，但主要系得阵皮有炸味。鸡翼肉丁一丁、冻柠茶 $48卖嘅都系家常野，煮法唔复杂。一般茶餐厅食个早餐连饮品，都要三、四十蚊，系咪离地，又未至于。收得你咁嘅钱，肉丁数数埋埋都有十蚊八粒，有肥有瘦；起码唔会好似啲劣食，叫肉