影片
更多
2023-12-21
412 浏览
一个月内食两次睇清真面目😡10月中某星期六晚去九龙城打边炉、好多间都爆晒、无意间见到呢间有位、即上OpenRice睇食评、见到好多好好评价、仲要无限时、即入去食啦！当晚同屋企人三个人食左都好丰富、好满足、服务态度超好、埋单$1500、仲即时写左评价纸话一定会再去、走时有位侍应听到我话钟意唱K、佢就介绍我地话呢到有房间系可以打边炉+唱K、如果4人以上平均每人$500、仲话好抵！过两日就相约咗几个朋友决定11月头再去唱K打边炉、当时用WhatsApp同对方联络订位、职员听到我话5位就话最低消费系$3000、我就同佢讲‘’前日你同事讲$500人头咋㖞、佢就即刻话‘’系啱啱决定、不过见你熟客俾返$500人头你啦‘’、然后我再问‘’见你地好似只有啤酒、如果我哋带酒会否收开瓶费‘’？职员答收$100支、我就话‘’可唔可以free‘’？佢就话‘’睇你哋当时食嘢嘅情况啦‘’。到咗当日我哋一行五人开开心心去唱K打边炉、order嘅时候、职员三次入嚟介绍海鲜套餐、刺身、因为我之前已经试过、觉得不外如是、所以我哋冇点佢介绍嘅海鲜套餐、但有散叫其他海鲜、但原来呢一刻可能已经引起佢哋既不满、主要招呼K房叫阿燕既
10月中某星期六晚去九龙城打边炉、好多间都爆晒、无意间见到呢间有位、即上OpenRice睇食评、见到好多好好评价、仲要无限时、即入去食啦！当晚同屋企人三个人食左都好丰富、好满足、服务态度超好、埋单$1500、仲即时写左评价纸话一定会再去、走时有位侍应听到我话钟意唱K、佢就介绍我地话呢到有房间系可以打边炉+唱K、如果4人以上平均每人$500、仲话好抵！
过两日就相约咗几个朋友决定11月头再去唱K打边炉、当时用WhatsApp同对方联络订位、职员听到我话5位就话最低消费系$3000、我就同佢讲‘’前日你同事讲$500人头咋㖞、佢就即刻话‘’系啱啱决定、不过见你熟客俾返$500人头你啦‘’、然后我再问‘’见你地好似只有啤酒、如果我哋带酒会否收开瓶费‘’？职员答收$100支、我就话‘’可唔可以free‘’？佢就话‘’睇你哋当时食嘢嘅情况啦‘’。
到咗当日我哋一行五人开开心心去唱K打边炉、order嘅时候、职员三次入嚟介绍海鲜套餐、刺身、因为我之前已经试过、觉得不外如是、所以我哋冇点佢介绍嘅海鲜套餐、但有散叫其他海鲜、但原来呢一刻可能已经引起佢哋既不满、主要招呼K房叫阿燕既职员、之后态度360度大转变、不停俾说话我哋听！本身K房系可以玩到零晨2点、但佢1点嘅时候走入嚟话已经深夜、叫我哋细声啲、然后二话不说将我哋个喇叭较细、我转头出大厅睇、当时有另一班人唱紧K、佢哋个声浪都系开到最大、然后我再走出大厦睇、大厦外面根本听唔到、我再返入房目测佢有基本嘅隔音、所以我冇理照开返最大、（要补充返佢哋本身个喇叭唔算大声、较到最大都系正常卡拉OK17、8度左右既声浪）
跟住阿燕姐攞咗张单入嚟叫我哋埋单、我哋问‘’唔系可以玩到两点咩‘’？佢就话‘’而家都点几啦‘’、我哋话想再叫多两支啤酒、然后叫佢加单、佢就话‘‘你哋要两点前饮晒佢’’😤、同时我地见到张单开瓶费收$200一支、我哋就问佢‘’开瓶费唔系收$100咩’‘？佢答’‘你哋系1.8 L、1.8L要收$200’’、跟住朋友问佢‘’可唔可以free呀？你地又话睇情况嘅‘’？阿燕姐就答咗一句‘’‘你哋永远都食唔起‘’’！！！🤬🤬呢一刻我真系好嬲！！我同佢讲‘’你同事系讲一支收$100！佢冇讲720定1.8！你哋想收几钱都可以！不过麻烦讲清楚！‘’跟住佢话要问吓先、当然最后都系收返$100/1支。
最后我想讲！如果你哋唔想做几佰蚊人头消费！唔该讲清楚！几钱都无问题！愿者上钓、明买明卖！！
千祈唔好谂住低消费吸引顾客！但又搅小动作！呢种生意手法永远唔会成功！！
完！！！
张贴