汀汀烤活魚 (已結業)

三坡坊不嬲多美食，但烤活鱼呢间未食过，所以今次就一家大细出动去试一试😋 中式烤活鱼咁耐以来只系食过一次，仲要系上海，所以咁难得香港都有，真系要try try。冰镇鲍鱼：先来个小食，来自南非的冰镇鲍鱼，非常贴心地已切薄片，仲有wasabi同豉油沾上吃，一点腥味都冇，而且肉质弹牙，仲好鲜甜，新鲜👍🏼烤鱼锅：之后就来了主菜－烤桂花鱼锅。鱼，汤底同辣度都有得拣。我们点了唔辣的蕃茄薯仔汤底，有好多芫茜，下火又清新。汤底也都好足料的，有萝白，粟米，豆卜，猪皮，一点都唔hea👍🏼 至于条桂花鱼真系要赞一赞，外脆内滑！外皮香脆，内里的肉质鲜美又滑，而且条鱼既size很大，4个人食刚刚好！雪花肥牛片+猪肉片：肥牛的雪花分布都算平均，唔会太肥，食落既口感都唔会腻，但系肉不太嫩，不过牛味就十足。之后点了打边炉必备的响铃+生蚝：这里的响铃似系用平时街市有得卖果只，口感酥脆。而个蚝就真系抵赞！大大只不单只，熟咗依然饱满，食落仲鲜味十足，正。鬼马双拼：很有心思的墨鱼滑酿入油炸鬼，外脆内弹牙！放入锅里吸收一下鱼汤精华仲鲜甜，仲keep住脆卜卜。